ما عدش يفرق دم مين
ال ماتوا مصريين
دم أحمد والا جرجس
كلنا بنقول أمين
لما بنصلي وندعى
بناجي رب العالمين
جوا مسجد أو كنيسة
على دين محمد والا عيسى
متقوليش إن أنت قبطي
دا أنا مصري وأصلى قبطي
مستحيل تِشعلوا فيها نار الفتنة
يا ذئاب الإرهاب، احذروا غَضبِتنا
لو فجرتم في المساجد
هنرفع آذانا من الكنيسة
ولو هديتوا الكنايس
هترن الأجراس ع المنارة
ياللي قلوبكم حجارة
مصر مهد للأديان
شعبها مَفْطُور ع الإيمان
فيها عاش موسى الكَليم
وزارها الخليل إبراهيم
حكمها يوسف سنين
وفاض الخير بعد الجفاف
شعر: عماد خربوش
عدد اليوم
