26 يناير 2011 21:57
بي بي: ماما: والله هذا استراليا واااجد زين.. ستة جول.. سسسسته جول.. ماشاء الله
أم صويلح: هههاههاهاااي. أكيد لازم تشي بتقولين.. فرحانه يوم فيه منتخب غيركم انطر أكثر عنكم عقب مباراتكم مع البحرين يوم يابو فيكم 5 أجوال.
بي بي: لكن ماما نحن يجيب 2 جول في البحرين.. هذا اوزستان ما يجيب ولا جول!!
أم صويلح: أونج أحين تبغين تقولين إن منتخب الهند أحس عن أوزباكستان؟!
بي بي: لا لا.. أنا ما يقول شزي.. ماما.. اوزستان هذا يفوز على الإمارات.. صح؟!
أم صويلح: قلنا لج ميت مرة ما فاز.. ما فااااز.. نحن تعادلنا وياهم.
بي بي: بس ماما هذا فريق واجد تعبان.. ليش تعادلتو وياهم؟
أم صويلح: قومي عني مب متفيجه لج!
بي بي: زين زين.. خلاص.. بقول سؤال ثاني.. متي بنسير البر؟
أم صويلح: بردتي على فوادي بهالسوال والله.. اشتقت للبر.. لكن صبري لين تنتهي البطولة. عقب بنرتب الطلعة.
بي بي: اليوم في مباراة؟
أم صويلح: مافي شي اليوم. باجر مباراة بين كوريا الجنوبية واوزباكستان.
بي بي: هذا أوزستان يجي ستة جول فيها.. ليش بعد يلعب؟
أم صويلح: يلعبون مع الكورين علي المرتبة الثالثة.. والي بيفوز بيلعب في بطولة آسيا الجاية.. ياحظه.. لا تأهيل ولا تصفيات. يااااحظهم.. شوفي الحظوظ.. مو مثل نحاستنا!!
بي بي: ماما.. أنا يعرف من وين يجي نحس مال كل هذا مشاكل. الهند يطلع.. 8 منتخب عربية يطلع.. صدقيني أنا يعرف السبب.
أم صويلح: شو السبب.. قولي!
بي بي: هذا فيران كل مكان.. صدقيني هذا سبب نحاسة مال إنتم!!
أم صويلح