أم صويلح: لا تحاولين،، قلتلج ما بسير يعني ما بسير، يكفي العرس إلي سواه أبوج حقي أمسات، خليه يوديج لو تبغين·
سلامة: (تبكي) ما يخصني، وديني مثل ما وديتي ''بي بي''، تحبين ''بي بي'' أكثر عني·
بي بي : حرام ماما، وديها، أنا قلت حقج أول، خلي سلامة تيي ويانا·
أم صويلح: أنتي اسكتي غربلج الله، وين اقدر أسير عقب إلي استوا، بروحي ميتة قهر، جان زين أقدر· أكيد زكوي بتسير اليوم منتخبهم بيلعب مع الكويت ، ونحن عقبهم مع اليمن·
بي بي : هي صدق ماما، ما خبرتج، جارتنا ام عبود طرشت حقج ''عصيدة'' يقول هذا مال فوز اليمن·
أم صويلح: وحليلهم والله، ما يقصرون، وإنشالله نحن بنوزع اليوم عقب ما نفوز عليهم،بس إدعو يينا حكم متعود على التحكيم،مب أول مرة يزخ صفارة·
فطوم (زوجة الإبن): شو عندكم تتصاصرون؟،، شي وراكم!
بي بي : مافي شي ورانا، بس جدار·
فطوم: هي هي هي خفيفة ظل مستوية· تراني أدري شو وراكم، ولو تحركتم من البيت بكلم صالح، ماله داعي تسوون حج أعماركم مشاكل·
أم صويلح: الله يصبرني عليج باجي أيام الدوري يا بنت وديمة، حصلتي شي تضايجيني فيه·
يدخل الإبن صالح
صالح: السلام عليكم ، شو بلاكم محتشرين؟
أم صويلح: وعليكم السلام، كله من فطوم، حرمتك مصرة تضايجني ياصويلح، يعني ما يستوي جي، هي والمنتخب عليَ·
صالح: إنشا لله اليوم بنفرح·
أم صويلح: أنا ما بفرح إلا إذا سرت الاستاد·
سلامة: هي وأنا بعد، خلنا نسير أنا ويدووو·
صالح: وين تسيرون، ما بتحصلون مكان، زحححححححمة·
أم صويلح: هذا عندكم زححححححمة، مدرج العوايل عادي، نحصل مكان·
صالح: عيل تدرون، خذوني وياكم·
فطوم: (بتموت من الغصة)
عدد اليوم
