البيزات تسوي أكثر!

أم عبدالله:: هااا أم صويلح.. تشجعين منو اليوم؟ أم صويلح: الصراحة ما أبغي أقول. أم عبدالله:: ليش ما بتقولي.. تخبي علي؟! أم صويلح: كل السالفة إني محبطة وااايد من كل النتائج.. وخوفي.. آه ياخوفي.. بطل آسيا يكون من قارة ثانية! أم عبدالله:: كيف يعني؟! أم صويلح: تخيلي.. الجرايد عقب المباراة النهائية يكتبون فيها.. أستراليا.. بطل آسيا!!! أم عبدالله:: ههاههاههاااي.. كل شي مقلوب يا أم صويلح.. ليش تشتي هدا يكون مضبوط.. وسعي صدرش! أم صويلح: شكله تشييه بيستوي! أم عبدالله:: إذا اليمن بكبرها ما شاركت ولا مرة في كأس آسيا.. تاخذون الغريب وتخلون أهل الدار. أم صويلح: تبغون تشاركون في كأس آسيا؟!! طموحة أم عبدالله ما شاء الله عليج.. ما تأسين! أم عبدالله:: من صدق أحين.. قولي لي.. كيف هاي استراليا شاركت في كأس آسيا؟ أم صويلح: الله يسلمج البيزات تسوي أكثر.. هذا يقولج رئيس اتحاد استراليا زعلان عشان اللاعبين الاستراليين كلهم محترفين في الاندية الأوروببية.. وما يقرون لأن الأجور في أوروبا كبيرة.. والاندية الاسترالية ما تقدر تدفع لهم. أم عبدالله:: وهذا شو علاقته بكأس آسيا؟! أم صويلح: يالغالية.. ما حصل حل غير طلب ضم بلاده للاتحاد الآسيوي لأن هذا بيكون له دخل جيد على الأندية الاسترالية وبالتالي بتقدر تدفع للاعبين أكثر عن الأندية الأوروبية. أم عبدالله:: يلعن أبوها الواسطة إيش تسوي! أم صويلح: ماشي واسطة هني.. تم قبولهم في الاتحاد الآسيوي بالإجماع وبن همام وافق عليهم. أم عبدالله: عيل كليتو هوى. أم صويلح: تقصدنم كلينا هوى. أم عبدالله:: نحااااسة. أم صويلح: ما خبرتج.. مو عرفنا سبب النحاسة!! أم عبدالله:: شوووه؟ أم صويلح: خلي بي بي تخبرج!!